::: MhYeS BS KwYeS :::
۩ صايع ميوزيكانا ۩
عدد المساهمات : 197
عايش بقالك اد ايه : 32
بتشتغل ايه من غير لف ودوران : زبــون جــامــد اوو يـــ
المزاج : كـــولـــــ ع طــــولـــــ
ملخص عنك : انـــا البحر في احشائه الدر كاملا .. كاملا ياجدع
اول مره جيت ميوزيكانا : 28/01/2009
 |  موضوع: 17 نصيحة ترفع بيها ضغط اي بنت  الأربعاء 28 يناير 2009 - 0:52 | |
|
ازاى يرفع الولد ضغط دم البنت؟؟؟
العملية فى منتهى السهولة و سيتم عرضها من خلال عدة مواقف متتالية
1- اذا كنت ماشفتهاش من زمان و قابلتها صدفة و بتسألك انت عامل ايه ازى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟
2- ولما ترد و تقول خلاص انا اسفة
ترد و تقول شىء طبيعى
3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!
4- لو كنت فى عرابيتك و عدى من جنبيك عربية و فيها بنت حلوة افضل باصص لها و متنح و لما تسألك انت بتبصلى كده ليه شد على الرابع و نفضلها.......
5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط.
6- لو ماشى مع بنت جميلة جدا و بتسألك عن رايك فى شكلها قولها
هايلة يا حياتى بس لو فيه منك على حريمى!!!!!!
7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قوللها تمام الساعة بتاعتك مظبوطة!!!!!
8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك.....
9- لو نفسك تمشى مع بنت عندك فى الكليه و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) .....
هتنادى عليك........
- احمد .... ممكن لو سمحت......
- بصلها و اضحك فى و شها و بعدين دير وشك و نفضلها خالص و لا كانك شفتها قبل كده......
طبعا و شها هيبقى احمررررررر لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق....
و فأجاة روح كلمها عادى وقولها كنتى عايزه ايه و لا كأن حاجة حصلت......
هتحتار فيك و تعجب بيك.... و يمكن تحبك.....
10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين انا جى قبل الانسه ا
(طبعا اعمل حسابك ان البقال هيضربك باى حاجة فى ايده)
11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!!!
12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضربت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما سقت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس عليا !!!!!!!!
13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!!!
14- لو كنت ماشى مع بنت سامرة وكانت لابسة فستان احمر و قاليتلك دلعنى....
قولها : يا فحم مولع..!!!
15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!
16- لو بتسألك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها ساره!!!!!!!
17- لو قالتلك اى بنت مش بزمتك انا مالية عليك حياتك
قولها: ايوة بس لو ماكنتش عرفتك كانت محفظتى هتفضل مليانة
ياشباب بجد اعملوا بالنصائح وهتدعولى .
ههههههههههههههههههههههه
| |
|
SEMSEMA
ميوزيكانا مفتح وحرك
عدد المساهمات : 129
عايش بقالك اد ايه : 30
اول مره جيت ميوزيكانا : 03/02/2009
| | موضوع: رد: 17 نصيحة ترفع بيها ضغط اي بنت الثلاثاء 3 فبراير 2009 - 5:57 | |
| هههههههههههههههههههه
ميرسي ليك علي النصائح دي يا شوشو | |
|
::: MhYeS BS KwYeS :::
۩ صايع ميوزيكانا ۩
عدد المساهمات : 197
عايش بقالك اد ايه : 32
بتشتغل ايه من غير لف ودوران : زبــون جــامــد اوو يـــ
المزاج : كـــولـــــ ع طــــولـــــ
ملخص عنك : انـــا البحر في احشائه الدر كاملا .. كاملا ياجدع
اول مره جيت ميوزيكانا : 28/01/2009
| | موضوع: رد: 17 نصيحة ترفع بيها ضغط اي بنت الثلاثاء 3 فبراير 2009 - 20:25 | |
| | |
|
smsma
ميوزيكانا جديد
عدد المساهمات : 7
عايش بقالك اد ايه : 31
بتشتغل ايه من غير لف ودوران : طالب
اول مره جيت ميوزيكانا : 14/06/2009
| | موضوع: رد: 17 نصيحة ترفع بيها ضغط اي بنت الثلاثاء 16 يونيو 2009 - 10:07 | |
| انا بنت ولو ولد عمل معايا كدة هطلع عينة | |
|
nona_stra
ميوزيكانا جديد
عدد المساهمات : 25
عايش بقالك اد ايه : 33
بتشتغل ايه من غير لف ودوران : 'hgfi
اول مره جيت ميوزيكانا : 16/08/2009
| | موضوع: رد: 17 نصيحة ترفع بيها ضغط اي بنت الأحد 16 أغسطس 2009 - 15:15 | |
| طبعا مفيش حد يعمل با النصائح دى ولو ولد عمل كدا هيضرب | |
|
